Whaur's aa the gannets that wis in Loch Fyne?
(August 2004) |
Awa fushin some ither bit. Eejit trawlers is
juist efter strippin the loch clean. |
|
|
Whit wis the key Socratic quaisten pitten bi
Thurso Berwick? |
But what is a Scottish Republican? |
|
|
Whit is the meanin o life? |
wha sent ye here, speirin that? |
|
|
Whaur can I coff a dacent Scots pie? |
uissfu tourist information: Murray's pies
frae Sooth Street in Perth isna bad, bi the ordnar cauld
edibility test. But the World Champion pies o 2004 can be
haen frae the Sugar an Spice baxters fornent the Aytoun
Haa in Auchterarder. Thair steak an mince pies is smashin
an aa. |
|
|
Whit wis yer worst pie? |
back in the Seiventies, the Dowanhill Bar
uised ti hae pies served at boadie temperature that wad
fill a pub ashtray wi thair nesty creesh. Whit wi the
servin temperature, gin ye didna haud it upside doun an
dry it oot first, but bit it an held it in yer haun wi yer
airm on the bar, the bree wad aa rin slawly doun yer sark
sleeve unnoticed, an jeel yer elbae til the wuid. |
|
|
Whit wis Hugh MacDiarmid's advice? |
eschew humour |
|
|
Whit is the RYA? |
a free association o radicals in a saut
solution |
|
|
Whit's the pynt o gaun sailin? |
(dinna cleik on the photie abuin gin yer
computer isna cantie wi a 1.2mb dounlade) |
|
|
|
|
|
|